Justisa

Solisitasaun Direitu Penál

Tribunál sai nafatin solisitasaun hosi vítima sira, no karik realiza duni tuir vítima sira-nia nesesidade no espetativa, sira bele dezempeña papél importante hodi rekupera sira-nia dignidade no reforsa justisa.  Maibé krime eskala boot hanesan ne’e mós la posibilita atu prosesa autór hotu-hotu liuhosi sistema penál komún, nune’e hamosu lakuna impunidade. Ne’eduni, inisiativa estratéjika seluk oioin hanesan programa Reparasaun, reforma instituisaun no buka Lia-loos bele prenxe lakuna impunidade ne’e hodi hatudu krime ba vítima barak tebes no hosi autór barak.

Ezijénsia lei nasionál. Ezijénsia lei ba krime internasionál ne’e iha liu impaktu karik realiza iha rai-laran iha sosiedade ne’ebé krime ne’e akontese bá. Maibé, sosiedade ne’ebé foin maihosi situasaun pós-konflitu ka iha tempu tranzisaun ne’e dalaruma iha vontade polítika ne’ebé menus atu realiza ida-ne’e, no sistema lei mós dalaruma sei runguranga hela. Ne’eduni presiza asisténsia internasionál ne’ebé lori aprendizajen hosi fatin seluk, porezemplu liuhosi tribunál íbridu ne’ebé kompostu hosi autór defensór lei internasionál no nasionál sira hanesan iha Serra Leoa, Kosovu, Bóznia, Timor-Leste, no Kamboja.

Tribunál Kriminál Internasionál /International Criminal Court [ICC]. Iha tinan-2002, Estatutu Roma estabelese ICC atu investiga no prosesa indivíduu hirak ne’ebé responsabiliza ba jenosídiu, krime funu no krime hasoru umanidade ne’ebé realiza désde loron 1 Jullu 2002 karik nasaun ruma lakohi ka labele realiza ida-ne’e.

Bele buti CC sei presiza lei sub-titlu lian Indonesia.