Reparasaun

Saida Mak Reparasaun?

Prinsípiu no Matadalan ONU sobre Direitu ba Rezolusaun no Reparasaun ba Violasaun Todan ba Lei Direitu Umanu Internasionál no Violasaun Sériu ba Lei Umanitáriu Internasionál mensiona katak vítima sira hosi asaun hirak ne’e iha direitu ba Reparasaun imediata, ekuitativu no efetivu. Ida-ne’e kobre, medida sira (measures) restituisaun, kompensasaun ba estragu no reabilitasaun materiál, naun-materiál no status ne’ebé sufisiente. Asaun sira atu satisfáz vítima, hanesan revela lia-loos, deklara katak atór ne’e sala, no hapara violénsia ne’ebé akontese hela ne’e mak asaun hirak ne’ebé kontein efeitu rekuperativu. Aleinde ne’e, asaun sira atu prevene repetisaun violasaun Direitu Umanu ne’e idealmente akompaña ho programa Reparasaun, atu konvense vítima katak Reparasaun la’ós promesa mamuk ka substitutu temporáriu.

Halo Reparasaun signifikativa depoisde akontese violasaun ne’ebé masivu no sistemátiku ka konflitu ne’ebé envolve parte barak ne’e sai mós dezafiu ida. Totál vítima bele barak liu. Violénsia ne’ebé akontese bele ofendidu tebes no labele rekupera, sente individualmente ka koletivamente, no bele hamosu konsekuénsia tempu-naruk tantu ba vítima ida-idak no mós sosiedade jerál. Iha kontestu ne’e, buka polítika abranjente ba “Reparasaun” vítima ne’e mak esforsu ne’ebé efetivu liu atu hetan Reparasaun duké abordajen kazu ida-idak ne’ebé deside liuhosi tribunál. Iha lei internasionál to’o agora klaru uitoan mensiona katak iha obrigasaun atu fornese Reparasaun.

Reparasaun hanesan elementu prinsipál hosi justisa tranzisionál

Reparasaun ne’e hanesan elementu esensiál iha inisiativa justisa tranzisionál. Parsiálmente tanba, hosi dimensaun justisa tranzisionál tomak, Reparasaun fokaliza diretamente no esplisitamente ba kondisaun vítima, tanba destina atu rekupera filafali direitu vítima ne’ebé sama tiha ona ba rai, no hadi’a danu sofridu no insultu ne’ebé enfrenta. Presiza subliña katak Reparasaun ne’e la oferese hanesan “ezmola”, maibé programa Reparasaun tenki mantein status vítima hanesan makna’in direitu, no hato’o mensajen katak ida-ne’e sai baze tansá mak oferese Reparasaun. Aleinde ne’e, Reparasaun tenki sai mekanizmu atu rekoñese violasaun iha tempu pasadu, responsabilidade estadu ba estragu/perda ne’ebé akontese, no kompromisu públiku atu responde impaktu hosi violasaun ne’e. Dalabarak rekoñesimentu públiku sai elementu ne’ebé konsidera importante tebes hosi vítima sira atravésde Reparasaun ne’ebé sira hakarak tebes. Maibé ida-ne’e mak dalabarak mós la disponível.

Prinsípiu Reparasaun no nia Ezemplu sira

Restitusaun: Hatuur filafali direitu vítima hanesan uluk.
Entrega filafali propriedade (rai ka uma, nst);
Fó filafali liberdade;
Entrega filafali ba sosiedade, família, ka kondisaun hanesan sidadaun;
Fornese filafali servisu.

Kompensasaun: Asisténsia finanseira ba perda hirak ne’ebé labele kalkula
Privasaun fízika no mentál;
Desvantajen tanba lakon oportunidade, inklui servisu, edukasaun, no seguransa sosiál;
Perda materiál no lakon meiu-subsisténsia, inklui lakon poténsia meiu-subsisténsia;
Perda Morál;
Kustu ne’ebé presiza ba servisu médiku, akonsellamentu jurídiku, no servisu sosiál.

Reabilitasaun: Oferese servisu seluk
Akonsellamentu psikososiál;
Servisu Médiku;
Servisu asisténsia jurídika.

Satisfasaun: Inisia esforsu lubuk-ida ne’ebé bele tulun vítima psikolojikamente
Medida efetiva hirak ne’ebé destina atu hapara kontinuasaun violasaun todan Direitu Umanu;
Verifikasaun no divulgasaun informasaun públika totálmente perante la rezulta perda ba vítima no sasin;
Buka ema lakon, identidade labarik ne’ebé ema na’uk lori halai, no mate-isin hosi sira ne’ebé hetan oho, no asisténsia ba Reparasaun, identifikasaun no hakoi filafali tuir prátika kulturál/relijioza;
Deklarasaun ofisialmente ka desizaun legál atu rekupera dignidade, fama/reputasaun vítima no ema sira ne’ebé besik ho vítima;
Husu deskulpa ba públiku, inklui rekoñese faktu no prontu asume responsabilidade;
Sansaun legál no administrativa ba sira ne’ebé responsabiliza komete violasaun todan Direitu Umanu;
Komemorasaun ka omenajen ba vítima;
Hatama responsabilidade violasaun Direitu Umanu bá-iha formasaun no kursu lei Direitu Umanu no lei umanitáriu internasionál no iha nível edukasaun oioin.

Garantia la repeta tan asaun hirak ne’ebé kontribui ba esforsu prevensaun violasaun Direitu Umanu iha futuru no halo avansu ba estadu-de-direitu.

Garanti kontrole sivíl ba forsa militár no seguransa;
Garanti katak esforsu militár no sivíl tomak vinkula ba padraun internasionál sobre prosesu legál, justisa no imparsialidade;
Hametin autonomia tribunál;
Proteje profisaun jurídika, médiku no servisu saúde, jornasta, ativista Direitu Umanu;
Oferese, rotinamente no tama iha prioridade, edukasaun sobre lei Direitu Umanu no lei umanitáriu ba setór hotu-hotu iha sosiedade no aplikasaun lei inklui aparatu militár no seguransa sira.
Promove obediénsia ba kódigu konduta no norma komportamentál, liuliu padraun internasionál, hosi funsionáriu governu, inklui aparatu aplikasaun lei, prizaun, mídia, médiku, psikolójiku, servisu sosiál, no pesoál militár, no mós empreza.
Promove mekanizmu ba prevensaun no monitoramentu konflitu sosiál no nia

Video ne’e fo eksplikasaun kona ba reparasaun. Bele buti CC sei presiza lei sub-titlu lian Indonesia.