Ah Nan: တရားမျှတမှုရရှိရေးအတွက် လက်လျှော့အရှုံးမပေးသူ
စိတ်ဓာတ်ခိုင်မာပြီး သတင်းအရင်းအမြစ်များကြွယ်ဝသူ ဖြစ်သော Ah Nan သည် သမီး ၃ ဦး နှင့် သားတစ်ဦး၏ မိခင်ဖြစ်ကာ အကြီးဆုံးသမီးသည် ၁၂ နှစ်အရွယ်ဖြစ်ပြီး သားဖြစ်သူမှာ အသက် ၆ နှစ်အရွယ် ရှိပြီး ဖြစ်သည်။ KIA စစ်သားဟောင်းတစ်ဦးဖြစ်သူ သူမ၏ခင်ပွန်းသည် မူးယစ်ဆေးဝါးနှင့်ဆက်နွယ်၍ ၂၀၁၃ တွင် ဖမ်းဆီးခံရသည့်အချိန်မှစပြီး သူမသည် မိခင်နှင့် ယောက္ခမတို့ကို ထောက်ပံ့ခဲ့ရသည်။ စိတ်လှုပ်ရှားလွယ်ပြီး နူးညံ့သော အမျိုးသမီးတစ်ဦးဖြစ်သော်လည်း တရားမျှတမှုအတွက် ဆက်လက် တိုက်ပွဲဝင်သွားရန် စိတ်ပိုင်းဖြတ်ထားသည်။
သူမ၏ခင်ပွန်းဖြစ်သူ အဖမ်းခံရပြီးမကြာခင်မှာပင် အမျိုးသား ၂ဦးသည် Ah Nan အိမ်သို့ လာပြီး သူမအား မုဒိမ်းပြုကျင့်ခဲ့သည်။ ထိုအမျိုးသားတို့သည် ရဲအဖွဲ့ဝင်များဖြစ်သည်ဟု သူမ ယုံကြည်သည်။ ပိုပြီးအသက်ကြီးသော သူ တစ်ဦးမှာ ရဲဝန်ထမ်းများ အမြဲဝတ်ဆင်လေ့ ရှိသည့် ဘောင်းဘီရှည်ကို ဝတ်ထားပြီး ဦးထုပ် ဆောင်းထားသည်။
“အမျိုးသား နှစ်ယောက် ကျမအိမ်ကိုလာတယ်။ ကျမက သံဘားတန်းနဲ့ အိမ်တံခါးကို ပိတ်ထားတယ်။ ဒါပေမယ့် သူတို့က အားကုန်သုံးပြီး အတင်းဆွဲဖွင့်တယ်။ သူတို့ဘယ်သူလဲလို့ ကျွန်မမေးတယ်။ အစကတော့ ကျွန်မဖျားနေတာကြောင့် တခါးမဖွင့်နိုင်ဘူးလို့ ပြောလိုက်တယ်။ ဒါပေမယ်သူတို့က တံခါးဖွင့်ဖို့ ဆက်ပြီးတော့ ပြောနေတယ်။ အရင်တုန်းကဆိုရင် ကျမ ယောက်ျားက ရွာသူကြီးဆိုတော့ ကျမတို့မှာ ဧည့်သည်တွေအများကြီးရှိတယ်။ ကျမတို့ရဲ့ မိတ်ဆွေတွေထဲက တစ်ယောက်ယောက်က ဒုက္ခရောက်လို့ လာကြတယ်ထင်ပြီး ကျမကတံခါး ဖွင့်ပေးလိုက်မိတယ်။”
အလင်းရောင်အများကြီးမရှိတော့ သူတို့ကို ကျမကောင်းကောင်းမမြင်ရဘူး။ သူတို့ဝင်လာတဲ့ အချိန်မှာတော့ သူတို့ဟာ ကျမ ယောက်ျားအဖမ်းခံရတဲ့ကိစ္စနဲ့ လာတဲ့ရဲတွေလို့ကျမထင်ခဲ့တယ်။ တစ်ယောက်က အိမ်ထောင့်နံရံမှာ ထိုးထားတဲ့ ဓါးမြောင်ကို ယူထုတ်လိုက်တယ်။ ပြီးတော့ ကျွန်မရဲ့ လုံချည်ကို ချွတ်ဖို့ပြောတယ်။ ဘောင်းဘီကြပ်အပါအဝင် ကျွန်မအထဲခံကို ၃ ထပ်လောက် ဝတ်ထားတာ။ ကျွန်မကို စစ်ဆေးချင်တယ်ဆိုရင်တောင် အခုလိုမလုပ်သင့်ကြောင်း ကျွန်မသူတို့ကို ပြောခဲ့တယ်။ ဒါပေမဲ့ သူတို့ကျွန်မစကားကိုနားမထောင်ခဲ့ဘူး
ရာထူးတဲ့သူက သူအဖော်ကို ကျွန်မရဲ့မော်တော်ဆိုင်ကယ်ကို အပြင်ကနေ အိမ်နားအထိ ယူလာဖို့ပြောတယ်။ ကျွန်မကို ခြိမ်းခြောက်ပြီးတော့ ကလေး ၆ ယောက်ကို မသနားဘူးလား လို့မေးပြီးတော့ ထောင်ထဲဝင်ရနိုင်တယ်လို့ ပြောတယ်။ သူတို့ရဲ့နောက်ကို လိုက်ခဲ့ဖို့နဲ့ ကျွန်မရဲ့ ဂုဏ်သိက္ခာကို ကာကွယ်ဖို့ စကားတိုးတိုးပြောဖို့ ပြောတယ်။ အစတုန်းကတော့ သူတို့နောက်လိုက်သွားဖို့ ကျွန်မစဉ်းစားလိုက်တယ်။ ဒါပေမယ့် ကျွန်မက ဖျားနေပြီးတော့ အားနည်းနေတယ်။ နောက်ပြီးတော့ တစ်နေရာရာမှာ ကျွန်မကို သတ်လိုက်မလားလို့ ကျွန်မတွေးမိတယ်။ ဒါကြောင့် တကယ်လို့ သူတို့ကျွန်မကို သတ်မယ်ဆိုရင် ကျွန်မရဲ့အိမ်မှာပဲသေမယ်လို့ ဆုံးဖြတ်လိုက်တယ်။ သူတို့ကို ကျွန်မဖျားနေတယ်လို့ တောင်းပန်ခဲ့တယ်။ ပိုက်ဆံ ၆၀၀၀၀ ကျပ်ကုန်ခဲ့တဲ့ ဆေးသွင်းရတဲ့ အမာရွတ်ကိုလည်း ပြခဲ့တယ်။ သူတို့က ကျွန်မကို ကျွန်မယောက်ကျားလိုပဲ တော်တော်ခေါင်းမာတဲ့သူလို့ ပြောခဲ့တယ်။
သူတို့နောက်က လိုက်ခိုင်းပြီး ငါ့ဂုဏ်သိက္ခာကို ကာကွယ်ဖို့ စကားကို တိတ်တိတ်လေး ပြောခိုင်းတယ်။ အစကတော့ သူတို့နောက်ကို လိုက်သင့်တယ်လို့ ထင်ခဲ့တယ်။ ဒါပေမယ့် ငါဖျားပြီး အားနည်းနေတော့ သူတို့က ငါ့ကို တစ်နေရာရာမှာ သတ်ပစ်မယ်လို့ ထင်ခဲ့တာ။ ဒါကြောင့် သူတို့ငါ့ကိုသတ်ရင် ငါ့အိမ်မှာ သေချင်တယ်လို့ ငါဆုံးဖြတ်လိုက်တယ်။ ငါနေမကောင်းဘူးလို့ သူတို့ကို တောင်းပန်ခဲ့တယ်။ ၆၀,၀၀၀ ကျပ်ပေးပြီး ကုသထားရတဲ့ဆေးထိုးသွင်းဒဏ်ရာကို ပြခဲ့တယ်။ နောက်တော့ သူတို့က ကျွန်မကို ကျွန်မခင်ပွန်းနဲ့တူတယ်၊ အရမ်းခေါင်းမာတယ်လို့ပြောတယ်။
အသက်ကြီးသော အမျိုးသားက Ah Nan အား ဓါးဖြင့် ခြိမ်းခြောက်ခဲ့သည်။ သူမကို ကြမ်းပြင်ပေါ် တွန်းလှဲပြီး သူ၏ အဖော်က သူမ၏ လက်ကို ချုပ်ကိုင်ထားကာ မုဒိမ်းကျင့်ခဲ့သည်။
ကျွန်မအော်ဖို့ကြိုးစားခဲ့ပေမယ့် သူဆောင်းထားတဲ့ ဦးထုတ်နဲ့ ကျွန်မရဲ့ ပါးစပ်ကို ရိုက်တယ်။ နောက် ၄ ရက်ကြာတဲ့အထိ ဒဏ်ရာက နာနေခဲ့တယ်။ ကျွန်မ တိတ်တဆိတ်ပဲဘုရားဆုတောင်းနေလိုက်တယ်။ ပြီးတော့ အသက် ၂၀ လောက်ပဲရှိသေးတဲ့တစ်ယောက်က ဆက်ပြီး မုဒိမ်းကျင့်တယ်။ သူတို့တွေရဲ့ ကိစ္စဝိစ္စပြီးတော့ ဆိုင်ကယ်ကို တွေ့တာနဲ့ ကျွန်မရဲ့ ဆိုင်ကယ်လားလို့မေးတယ်။ ပြီးတော့ ဆိုင်ကယ်ယူပြီး ထွက်သွားတယ်။
ကျူးလွန်သူအားဖော်ထုတ်ရန် ကြိုးစားခဲ့သည့် Ah Nan အား အာဏာပိုင်များက သူမအားအပြစ်တင်ခြင်း၊ မထီမဲ့မြင်ပြုခြင်းနှင့် ခြိမ်းခြောက်ခြင်းတို့ ပြုလုပ်ခဲ့သည်။
အာဏာပိုင်တွေက အော်ပြီးတော့ ကျွန်မကို မေးတယ်။ ဘယ်မှာ ဖြစ်တာလဲ။ ဘယ်သူလုပ်တာလဲ။ ဒါပေမယ့် ကျွန်မမကြောက်ပါဘူး။ တကယ့်အဖြစ်အပျက်တွေကို ကျွန်မကြိုးစားပြီး သူတို့ကို ပြောပြတယ်။ သူတို့ အရမ်းဒေါသထွက်သွားတယ်။
ကျူးလွန်သူနှစ်ဦးက သူမကို လက်ထိပ်ခတ်ဖမ်းဆီးမည်ဟု ခြိမ်းခြောက်ခဲ့သည်။ [အာဏာပိုင်များ] က သူတို့က ရဲလား စစ်သားလားဟု မေးခဲ့တယ်။ သူတို့က အပြာရောင်ဘောင်းဘီကို ဝတ်ထားတယ်လို့ ကျွန်မသူတို့ကို ပြောပြတယ်။ သူတို့က ရဲ ဟုတ်မဟုတ်ကျွန်မအတိအကျ မသိဘူး။
Ah Nan သည် ခိုးယူသွားတော့ ဆိုင်ကယ်ပြန်ရရန် ကြိုးစားဆောင်ရွက်နေစဉ် စိုးရိမ်ပူပန်လျှက်ရှိသည်။ ကျန်းမာရေးမကောင်းသည့်အတွက် ထိုဆိုင်ကယ်မရှိက တောင်နံရံတွင်ရှိသော တောင်ယာသို့ သွားရသည်မှာ မိသားစုအတွက် အလွန်ခက်ခဲသည်။
သူတို့က မော်တော်ဆိုင်ကယ်အားလုံးကို ပြခဲ့တယ်။ဒါပေမယ့် ကျွန်မတို့ရဲ့ဆိုင်ကယ် မပါဘူး။ နောက်တော့ အရာရှိတစ်ယောက်က ဆိုင်ကယ်ကို သုံးနေတယ်လို့ သူတို့က ပြောခဲ့တယ်။ ဆိုင်ကယ်က အသစ်ပဲရှိသေးတယ်။ ကောင်းကောင်းတောင် မသုံးရသေးဘူး။ ဆိုင်ကယ်အကြောင်းစဉ်းစားတိုင်း ကျွန်မအရမ်းဒေါသထွက်ပြီးတော့ ဝမ်းနည်းတယ်။ ဆိုင်ကယ်ဝယ်ဖို့ကို အရမ်းရုန်းကန်ခဲ့ရတယ်။
အရင်တုန်းကဆိုရင် ကျွန်မရဲ့ မိသားစုက အရမ်းပျော်စရာကောင်းတယ်။ အခုတော့ တောင်ယာမခုတ်နိုင်တော့ဘူး။ ကျွန်မရဲ့ကလေးတွေကို အကောင်းဆုံးပြုစုစောင့်ရှာက်ဖို့ လိုအပ်တယ်။ သူတို့အားလုံးကျောင်းတက်နေကြတယ်။ ဒီနှစ်မှာတော့ ကျွန်မတို့ရဲ့ လယ်က စပါးထွက်တာ မလုံလောက်လို့ အပြင်က ဝယ်စားနေရတယ်။
Ah Nan ၏ ခင်ပွန်းဖြစ်သူမှာ ထောင်ဒဏ်လပေါင်းများစွာ ချမှတ်ခံရပြီး လက်ရှိကာလအထိ ထိမ်းသိမ်းခံထားရသည်။ သူမအားစော်ကားသူနှစ်ဦးအား ဆက်လက်ရှာဖွေဖော်ထုတ်နေသော်လည်း မည်သည့်နေရာတွင် ရှိနေသည်ကို ယခုတိုင် မသိရှိရသေးပေ။ လူထုအခြေပြုအဖွဲ့အစည်းများ၏ အကူအညီဖြင့် သက်ဆိုင်ရာအာဏာပိုင်တို့ထံ အယူခံစာတစ်စောင်တင်ခဲ့သည်။ သို့သော် ခြိမ်းခြောက်မှုတို့နှင့်သာ ရလဒ်အဖြစ် ရင်ဆိုင်နေရသည်။ အန္တရာယ်များနှင့် ခြိမ်းခြောက်မှုများ ရှိနိုင်သော်လည်း သူမ၏ အမှုကိစ္စအတွက် တရားမျှတမှု ရရန် ကြိုးပမ်းအားထုတ်လိုသည်။ သူမကို မည်သည့်နေရာမှ မသွားရန် သတိပေးထားသော်လည်း အန္တရာယ်ကြားမှ ရှင်သန်လွတ်မြောက်သူများတွေ့ဆုံပွဲကို Ah Nan တက်ရောက်ခဲ့သည်။
အခြားသူများ၏ ဖြစ်စဉ်ဇာတ်လမ်းများကို ကြားသိသောအခါတွင် ခွန်အားများ ရရှိလာကြောင်း သူမက ပြောပြသည်။ သူမ၏ ဖြစ်ရပ်များကို ပြောပြရန်အတွက် ယဉ်ကျေးမှုအတားအဆီးများ (ယဉ်ကျေးမှုအရ မပြောသင့်ဟု တားမြစ်ခြင်း)နှင့် အချို့သော လူမှုအသိုင်းအဝိုင်းမှ လူပုဂ္ဂိုလ်များ၏ ဝေဖန်မှုများကို ကျော်လွှားခဲ့ရသည်။ သူမထုတ်ဖော်ပြာကြားသောအခါတွင်လည်း သူမအပေါ် ပြင်းထန်သော ထင်ကြေးပေး အကဲဖြတ်ဝေဖန်မှုများ မလုပ်ရန် အခြားရှင်သန်လွတ်မြောက်သူများကို တောင်းပန်ခဲ့သည်။ သို့သော် ကချင်အမျိုးသမီးများက သူမကို အားပေးခဲ့ကြသည်။ အကြမ်းဖက်မှုများကို ကြုံတွေ့ခံစားခဲ့ရသူများနှင့် ထုတ်ဖော်ပြာဆိုရန် ကြောက်ရွှံ့နေကြသောသူများကိုယ်စား အဖြစ်မှန်ကို ပြောကြားလိုကြောင်း သူမကပြောပြသည်။